(Mouse over the highlighted words to find the definition.)
Highlighted text popups only work with CSS compliant browsers like IE5 and Netscape6 (or higher).
|
(1) Cum diversam partem provinciae circumirem, Nicomediae vastissimum incendium multas privatorum domos et duo publica opera, quamquam viâ interiacente, Gerusian et Iseon absumpsit. (2) Est autem latius sparsum, primum violentiâ venti, deinde inertiâ hominum quos satis constat otiosos et immobiles tanti mali spectatores perstitisse ; et alioqui nullus usquam in publicô sipo, nulla hama, nullum denique instrumentum ad incendia compescenda. Et haec quidem, ut iam praecepi, parabuntur; (3) tu, domine, dispice an instituendum putes collegium fabrorum dumtaxat hominum CL. Ego attendam, ne quis nisi faber recipiatur neve iure concesso in aliud utantur; nec erit difficile custodire tam paucos. |
| Copyright © 2008, KET |